O Señor vén xulgar os pobos con rectitude - Salmo 97

Domingo 33 de Ordinario - ciclo C

VIRÁ UN MUNDO NOVO

Destruirase o templo,

Caerán os edificios oficiais,

as catedrais, os ministerios, os cuarteis.

Non quedará pedra sobre pedra.

Acabarase esta montaxe hipócrita

que afoga tantos soñas e esperanzas.

O como e o cando

non é seguro nin importa.

So se trata

de que vivamos na anguria,

no medo e na intranquilidade

e, para que alguén interesado

se aproveite da nosa inseguridade.

O mundo farase novo,

o mundo hase facer ao gusto de Deus,

pero non sen sufrimento,

non sen loita de cada día,

non sen xente ben disposta

a dar a cara polo ben e a verdade.

Haberá persecucións

dos inimigos e dos familiares.

Haberá mortes.

É a hora do aguante,

do aguante firme e constante pola vida.

A promesa de Xesús é clara:

nin un pelo da vosa cabeza

caerá no esquecemento.

Nin a máis pequena contribución

en favor da vida

quedará sen recompensa.

Deus sabe agradecer de abondo.