Festa da Virxe do Carme
Historia da Devoción
á nosa Señora
do Monte Carmelo
TEXTO ADAPTADO DE:
Desde os antigos ermitáns que se estableceron no Monte
Carmelo, Os Carmelitas foron coñecidos pola súa profunda devoción á Santísima
Virxe. Eles interpretaron a nube da visión de Elías (1 Reis 18, 44) como un
símbolo da Virxe María Inmaculada. Xa no
século XIII, cinco séculos antes da proclamación da dogma, o misal Carmelita
contiña unha Misa para a Inmaculada Concepción.
A Estrela do Mar e os Carmelitas
Os mariñeiros, antes da idade da electrónica, dependían das
estrelas para marcar o seu rumbo no inmenso océano. De aquí a analoxía coa
Virxe María quen como, Estrela do Mar, nos
guía polas augas difíciles da vida cara ao porto seguro que é Cristo.
Pola invasión dos sarracenos, os Carmelitas víronse
obrigados a abandonar o Monte Carmelo. Unha antiga tradición dinos que antes de
partir aparecéuselles a Virxe mentres cantaban o Salve Regina e ela prometeu ser para eles a súa Estrela do Mar. Por
ese belo nome coñecían tamén á Virxe porque o Monte Carmelo se ergue como unha
estrela xunto ao mar.
A Virxe é estrela, xa que foi escollida por Deus para ser a
súa Nai, a Chea de Graza.
O libro dos I Reis, 18, 45- 51, describe unha pequena nube
que, elevándose sobre o mar, anunciou a Elías mentres oraba no monte Carmelo, a
chegada da choiva. Esta era unha gran noticia pois anunciaba o fin da grave seca.
A Virxe é como esa nube, signo do fin da seca. Xesús é a fonte que nos sacia a
sede de Deus.
Xa vimos como os carmelitas, nados espiritualmente no monte Carmelo,
chamáronlle á Virxe «Estrela do Mar».
Moitos escritores moi antigos tamén lle chamaron así á Virxe: S. Xerónimo
(século IV), Isidoro de Sevilla (século VI), Alcuino de York e Rábano Mauro
(século IX). Pascasio Radberto escribe no século IX: «María é a Estrela do Mar á que debemos seguir coa nosa fe e
comportamento mentres damos tumbos no mar proceloso da vida. Ela iluminaranos
para crer en Cristo nado dela para salvación do mundo."
O Himno Ave Maris
Stella (Salve Estrela do Mar) é do século VIII ou IX.
VER TAMÉN:
http://xanostesaqui.blogspot.com.es/2012/07/oracion-virxe-do-carme.html
http://xanostesaqui.blogspot.com.es/2015/07/cantos-virxe-do-carme.html
Comentarios
Publicar un comentario