Vivo, xa non eu; vive en min Cristo - Gal 2, 16.19-21

Domingo 11 do Tpo. Ordinario - ciclo C

COS OLLOS FONDOS 

DE XESÚS

Xesús, meu amigo e irmán,

meu mestre e meu Señor,

que marabilloso es en todas as túas accións!

Canto me gustaría a min

Ter a túa mesma maneira de ollalo todo!

Como me gustaría a min

saber e ollar e comprender a cada un dos

meus veciños coma ti o ollas e comprendes!

Canto me gustaría tamén

ter esa mesma ollada comprensiva e fonda

para contemplar -las causas da vida,

os acontecementos do mundo,

as mudanzas dos tempos e das horas!

Se me deixase envolver polo teu amor,

se me deixase enchoupar nel

se me deixase ferir por el

en todas as células do meu ser fráxil e pecador!

Xesús, sinto unha fonda admiración por ti,

por iso mesmo síntome contento e orgulloso,

porque me chamaches para ser compañeiro teu

xunto coas outras persoas da comunidade.