Páginas

6 ago. 2012

FESTIVIDADE DA TRANSFIGURACIÓN DO SEÑOR



CARA E CRUZ

Non hai triunfo sen cruz,

nin amenceres sen noite,

nin hai oídos que escoiten

sen tebras, falar da luz.


A semente sementada 
 para chegar a dar froito 
 viste de seguida o loito 
 dunha morte naufragada.

E non hai muller parida 
nin por parir neste mundo
que faga o seo fecundo
sen laiar de dor ferida.

Nada cae do ceo feito:
o máis pequeno progreso
para se ver limpo e teso
precisou esforzo a eito.


Non se fai revolución,

nin se melloran as causas,

sen remover as lousas

que conservan a opresión.


Por iso a xente sinxela, 
 que sabe tanto de cruces, 
 prenderá no ceo luces 
 na noite sen luces cega. 








No hay comentarios:

Publicar un comentario