Para quen será todo o que fixeches? - Lc 12, 13-21

Domingo 18 de Ordinario - ciclo C

ORACIÓN PARA EVITAR A COBIZA

Pai, Pai bo, Pai de todos,

que a todos nos chamas ávida irmandada;

canto desexo aprender de ti

a sabedoría do Evanxeo!

Case todo me invita a ter e a consumir,

e a atesourar bens con cobiza:

canto desexo aprender de ti

a ser sinxelamente pobre!

Onde moitos falamos do pracer de consumir,

ti fálasnos da alegría fonda do pouco:

canto desexo beber na túa fonte

estas augas ledas e revitalizadoras!

Todos nos invitan a facer pechaduras

para gardarnos celosamente a nós e ao noso:

canto desexo ver medrar onda Ti as miñas mans

para darme e dar do meu xenerosamente!

Non quero atesourar riquezas para min

aínda que por veces ben mo pide o corpo:

canto desexo ser rico para ti, Pai,

compartindo coma Ti os meus bens co pobre!